ორგანიზმის დაბერების უამრავი თეორია არსებობს და ალბათ თვითოეულ მათგანს აქვს არსებობის უფლება. ამასთან კანი და მისი დანამატები ის უნიკალური ორგანოა, რომელთაც ემატება პერსონალური თეორია - ფოტოდაბერება.

თმის დაბერებისას, პირველ რიგში ვგულისხმობთ თმის ფოლიკულს და შემდეგ უკვე თმის ღერს. ასაკის მატებასთან ერთად ვლინდება თმის რაოდენობრივი და ხარისხობრივი ცვლილებები. არსებობს თმის დაბერების 5 ძირითადი ნიშანი:

1. თმის პროგრესული შეთხელება - ცვენა
2. თმის ღერის გათხელება
3. მსხვრევადობა
4. სიმშრალე - დეჰიდრატაცია
5. შეფერილობის დაკარგვა

თმის ანტიდაბერების თერაპია

• კანისა და თმის დაბერება შეუქცევადი პროცესია და მოითხოვს კომპლექსურ მიდგომას;
• ანტიდაბერების თერაპია გულისხმობს პაციენტის კომპლექსურ გამოკვლევას, ხოლო მკურნალობა უნდა იყოს ინდივიდუალური და კომპლექსური, ინოვაციური მეთოდების, უახლესი ტექნოლოგიებისა და პრეპარატების გამოყენებით.