კანი მჭიდროდაა დაკავშირებული ნერვულ სისტემასთან. მათ შორის ფიზიოლოგიური კავშირია საშვილოსნოს შიდა განვითარების პროცესში. ემბრიოგენეზის დროს კანი და ნერვული სისტემა ერთი და იმავე ჩანასახოვანი ფურცლისგან – ექტოდერმისგან ფორმირდება.
კანი და ჩვენი ნერვული სისტემა
- კანი წარმოადგენს ნერვული სისტემის ნაწილს პერიფერიაზე, ეპიდერმისის ყველა უჯრედი რეაგირებს ნერვული სისტემის სიგნალზე
- კანის დაავადებათა განვითარების ერთ-ერთ მნიშვნელოვან მიზეზს წარმოადგენს ფსიქოგენური ფაქტორი
- არსებობს კანის დაავადებები, რომლებიც რთულდება სტრესის შედეგად ან თვითონ იწვევს სტრესს
რას გვაჩვენებს სტატისტიკა
დერმატოლოგიურ პაციენტთა 1/3 -ში აღინიშნება ფსიქოლოგიური პრობლემები, რაც ართულებს დერმატოლოგიური დაავადებების მიმდინარეობას. ასეთ ავადმყოფებს დერმატოლოგიურ მკურნალობასთან ერთად ესაჭიროებათ ფსიქოლოგიური დახმარებაც.
გაითვალისწინეთ, რომ
- კანის დაავადების მქონე პაციენტებს ხშირად ახასიათებთ: შფოთვა, დეპრესია, ობსესიურ-კომპულსიური აშლილობა და სხვ.
- ემოციური მდგომარეობები კანზე ვლინდება – სიფერმკრთალის, სიწითლის, ჰიპერჰიდროზის, ლოკალური და გენერალიზებული ქავილის, ნეიროდერმიტის, აკნეს, ჭინჭრის ციების, ფსორიაზის სახით
- დეპრესიული მდგომარეობა აჩქარებს კანის დაბერების პროცესს. კანი ხდება მშრალი, მუქი, კარგავს ელასტიურობას, სიმკვრივეს, ადვილად ჩნდება ნაოჭი.
Georgian 
English