მეზოთერაპია მე-20 საუკუნის ერთ-ერთი სერიოზული განაცხადია დერმატოლოგიასა და ესთეტიკურ მედიცინაში. ის მედიცინისა და ესთეტიკის უნიკალური კომბინაციაა.
მეზოთერაპიის არსიდან გამომდინარე სამკურნალო პრეპარატი ან პრეპარატების „კოქტეილი“, რომლებიც პირდაპირ კავშირშია არსებულ პრობლემასთან, მიკროდოზებით შეყავთ უშუალოდ კანში – ეს კი ნიშნავს, რომ პრეპარატი მიეწოდება კონკრეტულად დაზიანებულ უბანს. რაც შეეხება დოზირებას, ის შესაბამისად თერაპიულ დოზაზე ბევრად ნაკლებია და მეზოთერაპიის კონცეფცია – „ცოტა, იშვიათად და საჭირო უბანზე“ – სრულიად მართებულია და კარგად ასახავს მეზოთერაპიის არსს.
მეზოთერაპია ერთ–ერთი ეფექტური, ლოგიკური და მარტივი მეთოდია თმის ცვენის მკურნალობის დროს. ასევე უნდა აღინიშნოს რომ, ის ორმაგად გამართლებულია, რადგან პირველ რიგში ხდება უშუალოდ დაზიანებულ კერებში სამკურნალო პრეპარატების შეყვანა, მეორე მხრივ კი თითოეული ინექცია კანში ახდენს ნერვული დაბოლოებების გაღიზიანებას და ამით სტიმულირდება მიკროცირკულაცია და აქტიურდება აღდგენითი პროცესები. აქედან გამომდინარე ჯერ თითოეული დაზიანებული კერა და შემდგომ მთლიანად თავის თმიანი არე უნდა დამუშავდეს რეგულარული ინექციებით.
მეზოთერაპიული მკურნალობის წარმატება მნიშვნელოვნად არის დამოკიდებული გამოყენებულ ფარმაკოლოგიურ პრეპარატებზე – სწორად შერჩეულ კოქტეილზე, რომელიც მზადდება ინდივიდუალურად პაციენტის პრობლემის გათვალისწინებით და ექიმის მრავალწლიანი დაკვირვებებისა და გამოცდილების საფუძველზე, ამიტომ მეზოთერაპიულ პროცედურას უნდა ახორციელებდეს ექიმი, რომელსაც აქვს შესაბამისი კვლიფიკაცია და გამოცდილება.
აქვე უნდა აღინიშნოს, რომ მეზოთერაპიული პროცედურის გამოყენება წინასწარი გამოკვლევების გარეშე მხოლოდ დროებით შედეგს იძლევა.
კლინიკა „მარჯანი“ გთავაზობთ ყველა ტიპის თმის ცვენის დიაგნოსტირებას და მკურნალობას
- ექიმთა მრავალპროფილური კონსულტაცია / კონსილიუმი (მრავალმხრივი კვლევის შედეგებზე დაყრდნობით)
- თმის ღერის მიკროსკოპული კვლევა – ტრიქოგრამა
- თმის კვლევა მიკროელემენტებზე (მიკროელემენტების კონცენტრაცია თმაში)
- მკურნალობის ექსკლუზიური მეთოდები: მეზოთერაპია და ფიზიოთერაპიული პროცედურები
- მეზოთერაპიაში ტექნიკურად დასაშვები უახლესი მედიკამენტების გამოყენება, ექიმის მიერ სწორად შერჩეული კოქტეილები
- კლინიკის ექიმთა გამოცდილების საფუძველზე შემუშავებული მკურნალობის ახალი მეთოდოლოგიები, სხვადასხვა ტიპის თმის ცვენის დროს
- მკურნალობის კურსი შეადგენს 8-10 კვირას
თმის ცვენის მკურნალობა გაცილებით ეფექტურია, თუ დავიცავთ ჯანსაღი ცხოვრების წესს, გამოვიყენებთ მაღალი ხარისხის საკვებ პროდუქტებს, ავიმაღლებთ იმუნიტეტს, თავს დავიცავთ სხვადასხვა დაავადებებისგან.
Georgian 
English